25 ستمبر ، 2023 
کینیڈا بین الاقوامی دباؤ سے بالاتر ہو کر نجر قتل کیس پر شفاف تحقیقات یقینی بنائے: امریکا
25 ستمبر ، 2023
امریکا نے کینیڈین شہری کے قتل پر گہری تشویش کا اظہار کرتے ہوئے کینیڈا کو بین الاقوامی دباؤ سے بالاتر ہو کر ہر دیپ سنگھ نجر قتل معاملے پر شفاف تحقیقات کو یقینی بنانے کا کہہ دیا ہے۔
کینیڈین شہری کے قتل میں بھارت کے ملوث ہونے کی تصدیق کے بعد امریکا بھی کینیڈا کا حمایتی بن گیا ہے، امریکی وزیرخارجہ انٹونی بلنکن نے ایک بیان میں کہا کہ امریکا کو کینیڈین وزیراعظم جسٹن ٹروڈو کے بھارت پر لگائے گئے الزامات پر گہری تشویش ہے اور وہ سنجیدگی سے اس معاملے کو دیکھ رہے ہیں۔
انہوں نے کہا کہ کینیڈا کسی بھی قسم کے بین الاقوامی دباؤ سے بالاتر ہو کر ہر دیپ سنگھ نجر قتل معاملے پر شفاف تحقیقات کو یقینی بنائے۔
انہوں نے کہا کہ امریکا بین الاقوامی جبر کی شدید مخالفت کرتا ہے اور کوئی بھی ملک اگر ایسا کرنے کا سوچتا ہے تو اس کے خلاف کارروائی ہو گی۔
مزید خبریں :
جاپان کی شہزادی یوریکو 101 سال کی عمر میں چل بسیں
16 نومبر ، 2024
ڈونلڈ ٹرمپ نے کیرولین لیویٹ کو وائٹ ہاؤس کی ترجمان نامزد کردیا
16 نومبر ، 2024
