26 ستمبر ، 2023 
ایشین گیمز میں خاتون کھلاڑی کا موبائل گم، ہزاروں کچرے کے تھیلے کھنگالنے پڑگئے
26 ستمبر ، 2023
چین میں جاری ایشین گیمز میں خاتون کھلاڑی کا موبائل گم ہونے پر ہزاروں کچرے کے تھیلے کھنگالنے پڑگئے۔
چین کے شہر ہانگ زو میں جاری 19ویں ایشین گیمز میں شطرنج کے مقابلے میں ہانگ کانگ سے تعلق رکھنے والی 12 سالہ کھلاڑی 'لیو تیان یی' کا 10 ہزار سیٹوں پر مشتمل اسٹیڈیم میں موبائل فون گم ہوگیا۔
بدقستمی یہ تھی کہ ان کا موبائل بند تھا جس کی وجہ سے اسے ڈھونڈنے والوں کے لیے یہ مشن امپاسبل بن گیا۔ تاہم گراؤنڈ اسٹاف نے موبائل کو 5 لاکھ 23 ہزار مربع میٹر کے اسٹیڈیم میں تلاش کرنے کا فیصلہ کیا۔
اہلکاروں نے موبائل ڈھونڈنے کے لیے رات بھر اسٹیڈیم میں ہزاروں کچرے کے تھیلے کھنگالے، آخر کار فون ایک کچرے تھیلے میں سے برآمد ہوا۔
موبائل واپس ملنے پر ہانگ کانگ کھلاڑی کو بڑی راحت ملی اور انہوں نے اسے ایک معجزہ قرار دیا۔
واضح رہے کہ ایشین گیمز کا آغاز 23 ستمبر کو شاندار افتتاحی تقریب کے ساتھ ہوا، ایونٹ میں 45 ممالک کے 12ہزار سے زیادہ ایتھلیٹس حصہ لے رہے ہیں، ایشین گیمز 8 اکتوبر تک کھیلے جائیں گے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
