27 ستمبر ، 2023 
نگران وزیراعظم کے بیان کو توڑ مروڑ کر پیش کیا گیا: مرتضیٰ سولنگی
27 ستمبر ، 2023
نگران وزير اطلاعات مرتضیٰ سولنگی نے وزیر اعظم کے بیان پر وضاحت دیتے ہوئے کہا ہے کہ دو روز پہلے غیر ملکی خبر رساں ایجنسی کو نگران وزیراعظم کے انٹرویو کا ایک حصہ توڑ مروڑ کر پیش کیا گيا۔
وزیر اطلاعات کا کہنا تھا کہ وزیر اعظم نے کہا تھا کہ چیئرمین پی ٹی آئی ہو یا کوئی اور قوانین کی خلاف ورزی پر قانون لاگو ہوگا۔
انہوں نے کہا کہ وزیر اعظم کے بات کا غلط تاثر دیا گیا کہ کسی مخصوص شخص کو انتخابات میں حصہ لینے کی اجازت نہیں دی جائے گی۔
مرتضیٰ سولنگی کا کہنا تھا کہ نگران وزیراعظم نے کہا تھا کہ انتخابات میں حصہ لینا حق ہے لیکن جرائم پر سزا قانونی طور پر جائز ہے۔
انہوں نے کہا کہ انتخابات چیئرمین پی ٹی آئی یا ان سینکڑوں ارکان کے بغیر بھی ہوسکتے ہیں جو توڑ پھوڑ اور جلاﺅ گھیراﺅ میں ملوث ہونے پر جیلوں میں ہیں۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
2 گھنٹے پہلے
سندھ پنجاب سرحد کو ٹریفک کیلئے کھول دیا گیا
4 گھنٹے پہلے
