30 ستمبر ، 2023 
آسٹریلیا میں کشتی وہیل سے ٹکرا گئی، ایک شخص ڈوب کر ہلاک
30 ستمبر ، 2023
آسٹریلیا میں ایک وہیل مچھلی کشتی سے ٹکرا گئی جس کے نتیجے میں کشتی میں سوار ایک شخص ڈوب کر ہلاک ہوگیا۔
غیر ملکی میڈیا کے مطابق یہ واقعہ سڈنی کی ساحلی پٹی باٹنی بے میں پیش آیا جہاں دیو ہیکل وہیل کشتی سے ٹکرائی جس سے کشتی الٹ گئی۔
مقامی انتظامیہ نے بتایا کہ کشتی میں دو افراد سوار تھے جو سمندر میں مچھلی کے شکار کیلئے گئے تھے لیکن بدقسمتی سے خود ہی وہیل مچھلی کا شکار ہوگئے اور کشتی کے الٹنے سے ڈوب گئے۔
پولیس نے بتایا کہ انہیں دو افراد کے ڈوبے کی اطلاع موصول ہوئی تھی جس پر وہ فوری باٹنی بے پہنچے جہاں ایک شخص کو بے ہوشی کی حالت میں پایا جس کی بعد میں موت ہوگئی جب کہ دوسرے شخص اسپتال منتقل کیا گیا جس کی حالت خطرے سے باہر بتائی جارہی ہے۔
میڈیا رپورٹس کے مطابق آسٹریلیا کی ساحلی پٹی پر وہیل پائی جاتی ہیں لیکن کسی وہیل کی وجہ سے انسانی موت ہونے کا واقعہ نایاب ہے۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
