30 ستمبر ، 2023 
باپ نے بیٹوں کے ساتھ ملکر کلہاڑی کے وار سے بیوی کی گردن اور انگلیاں کاٹ دیں
30 ستمبر ، 2023
بھارت میں ایک شوہر نے اپنے بیٹوں کے ساتھ مل کر کلہاڑی کے وار سے بیوی کی گردن سمیت انگلیاں بھی کاٹ دیں۔
بھارتی میڈیا کے مطابق یہ واقعہ بھارتی ریاست مدھیہ پردیش کے چمراہ گاؤں میں پیش آیا، جہاں خاتون کی سر کٹی لاش ملی۔
پولیس نے بتایا کہ قتل کی جانے والی خاتون کا نام مایا دیوی ہے جس کی عمر تقریباً 30 سے 35 سال کے درمیان ہے جب کہ شوہر کا نام رام کمار اہیروار ہے اور خاتون رام کی دوسری بیوی تھی۔
پولیس کے مطابق قتل کی واردات کی اطلاع ملتے ہی کارروائی شروع کی گئی جس دوران انہیں معلوم ہوا کہ قتل میں شوہر اور سوتیلے بیٹوں سمیت ایک اور رشتے دار شامل ہے۔
پولیس کے مطابق ملزم رام کمار نے بتایا کہ اس نے اپنی بیوی کو بیٹے کے ساتھ ناجائز تعلقات کی وجہ سے قتل کیا وہ دوسرے بیٹے کے ساتھ بھی ناجائز تعلقات چاہتی تھی۔
ملزم نے مزید بتایا کہ وہ اپنے بیٹوں اور رشتے دار کے ساتھ مایا کو گاڑی میں بیٹھا کر چمراہ گاؤں لے گیا جہاں پہلے اسے گلہ گھونٹ کر مارا گیا اور اس کے بعد کلہاڑی کے وار سے اس کی گردن دھڑ سے الگ کرکے انگلیاں بھی کاٹ دیں جب کہ لاش نیم برہنہ حالت میں پھینکی۔
پولیس کا کہنا ہے کہ ملزم سے قتل کے لیے استعمال کی جانے والی کلہاڑی برآمد کرلی ہے۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
