30 ستمبر ، 2023 
اسٹیفین کونسٹینٹائن قومی فٹبال ٹیم کے ہیڈکوچ مقرر
30 ستمبر ، 2023
پاکستان فٹبال فیڈریشن نے اسٹیفین کونسٹینٹائن کو قومی فٹبال ٹیم کا نیا ہیڈکوچ مقرر کردیا۔
پاکستان فٹبال فیڈریشن ( پی ایف ایف) کے مطابق 60 سالہ اسٹیفین کونسٹینٹائن کو فی الحال مختصر مدت کے لیے صرف ورلڈکپ کوالیفائرز کے لیےکوچ مقرر کیا گیا ہے، طویل المعیاد معاہدے پر فیصلہ بعد میں ہوگا۔
پی ایف ایف کے ایک سینیئر افسر نے اس بات کی تصدیق کی ہے کہ اسٹیفین کونسٹینٹائن نے ورلڈکپ کوالیفائرز کی تیاریوں کے لیے پاکستان پہنچ کر کیمپ جوائن کرلیا ہے۔
اسٹیفین کونسٹینٹائن ماضی میں نیپال، سوڈان، ملاوی، روانڈا اور بھارت کی نیشنل ٹیموں کے ہیڈکوچ رہ چکے ہیں ۔
ان کی کوچنگ میں بھارت کی ٹیم مارچ 2015 سے دسمبر 2018 تک 173 سے 96 ویں پوزیشن پر آگئی تھی۔
پی ایف ایف کے مطابق اسٹیفین کونسٹینٹائن کو ان کی ایشین فٹبال سے آشنائی کی بنیاد پر یہ ذمہ داری دی گئی ہے۔
خیال رہےکہ پاکستان اور کمبوڈیا کے درمیان ورلڈکپ کوالیفائرز 12 اور 17 اکتوبر کو ہوں گے۔
دوسری جانب پی ایف ایف نے ایک بیان میں گزشتہ ایک سال سے پاکستان فٹبال ٹیم کی کوچنگ کرنے والے شہزاد انور کی خدمات کو سراہا ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
