30 ستمبر ، 2023 
کاؤنٹی کرکٹ میں شان مسعود کی شاندار کارکردگی، دو سنچریاں اور 3 نصف سنچریاں بنائیں
30 ستمبر ، 2023
پاکستانی کرکٹ ٹیم سے ڈراپ ہونے کے باوجود اوپنر شان مسعود نے انگلش کاؤنٹی چیمپئن شپ میں اپنی کارکردگی سے دھوم مچانے کے بعد وطن واپس آرہے ہیں۔
سال کے آغاز میں وہ پاکستانی ون ڈے ٹیم کے نائب کپتان تھے لیکن انہیں ون ڈے کی نائب کپتانی کے ساتھ ٹیم میں جگہ سے بھی محروم کردیا گیا۔ ورلڈ کپ کے 15 کھلاڑیوں میں بھی شامل نہیں کیا گیا۔
ہیڈنگلے لیڈز میں یارک شائر کی طرف سے اپنی آخری میچ میں131 رنز 123 گیندوں پر 15چوکوں کی مدد سے بنائے اور اپنی ٹیم کو 6 وکٹ سے کامیابی دلوادی۔
شان مسعود کی کپتانی میں یارک شائر نے تین کامیابیاں حاصل کیں۔
سری لنکا میں پاکستانی ٹیم کے ساتھ مصروفیات کی وجہ سے شان نے ٹیم کو تاخیر سے جوائن کیا، ان کی غیر موجودگی میں سعود شکیل کو موقع دیا گیا۔ شان مسعود نے کاؤنٹی کے سات میچوں میں 720رنز بنائے جس میں دو سنچریاں اور تین نصف سنچریاں شامل تھیں، ان کا بیٹنگ اوسط 60 رہا۔
وہ انگلش کاؤنٹی یارک شائر کے تیسرے کامیاب ترین بیٹسمین رہے۔ ایڈم لیتھ نے 1019اور فنلے بینز نے 983 رنز اسکور کیے۔
پاکستان کے جن بیٹر نے انگلش کاؤنٹی میں شرکت کی ان میں شان کی کارکردگی سب سے اچھی رہی۔ سابق کپتان اظہر علی نے ووسٹر شائر کیلئے 14 میچوں میں 612 رنز بنائے اور ان کا نمبر37 واں رہا۔
ڈاربی شائر کے حیدر علی نے47 ویں نمبر پر آئے انہوں نے 10 میچوں میں 481 رنز اسکور کیے۔ گلاسٹر شائر کے ظفر گوہر نے 13 میچوں میں 391، لیسٹر شائر کے عمر امین نے چار میچوں میں 108اور یارک شائر کے سعود شکیل نے تین میچوں میں 71رنز بنائے۔
انگلش کاؤنٹی چیمپئن شپ ڈرہم نے 233 پوائنٹس کے ساتھ جیت لی۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
10 گھنٹے پہلے
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
