01 اکتوبر ، 2023 
پاکستان
فوٹو جیو نیوز
کراچی میں تیز رفتار کار کی ٹکر سے بندر ہلاک، مداری شدید زخمی
01 اکتوبر ، 2023
کراچی کے علاقے ناظم آباد میں تیز رفتار کار کی ٹکر سے مختلف کرتب دکھا کر عوام کے چہروں پر خوشیاں بکھیرنے والا بندر ہلاک ہو گیا جبکہ مداری شدید زخمی ہوگیا۔
پولیس کے مطابق حادثہ نارتھ ناظم آباد بلاک ایچ میں شیر شاہ سوری روڈ پر 35 سالہ مداری صائمہ پاری مال کے باہر بندر کے ساتھ بس اسٹاپ پر کھڑا تھا کہ تیز رفتار کار نے انہیں ٹکر مار دی۔
پولیس نے بتایا کہ حادثے میں بندر موقع پر ہلاک ہو گیا جبکہ اس کا مالک مداری شدید زخمی ہو گیا، بندر کی لاش اور زخمی مداری کو ریسکیو ٹیموں کے اہلکاروں نے فوری طور پر عباسی شہید اسپتال پہنچایا جبکہ حادثے کا ذمہ دار ڈرائیور موقع سے فرار ہو گیا۔
