02 اکتوبر ، 2023 
ایشین گیمز ہاکی: جاپان سے شکست پر پاکستان سیمی فائنل کی دوڑ سے باہر
02 اکتوبر ، 2023
جاپان نے پاکستان کو شکست دے کر ایشین گیمز کے سیمی فائنل کے لیےکوالیفائی کرلیا جب کہ پاکستان سیمی فائنل کی دوڑ سے باہر ہوگیا۔
چین کے شہر ہانگزو میں جاری ایشین گیمز میں پاکستان ہاکی ٹیم مسلسل دو میچ ہارنے کے بعد سیمی فائنل کی دوڑ سے باہر ہوگئی۔
جاپان کے خلاف اہم میچ میں پاکستان کو دو کے مقابلے میں تین گول سے شکست کا سامنا کرنا پڑا، پانچویں منٹ میں پاکستان کی جانب سے ارشد لیاقت نے پہلا گول کرکے برتری دلائی، دو منٹ بعد ہی جاپان نے گول کرکے برتری کا خاتمہ کیا۔
اس کے بعد جاپان نے مزید دو گول کرکے میچ میں پوزیشن مضبوط کرلی، پاکستان کی جانب سے 28 ویں منٹ میں ارباز نےگول کرکے خسارہ کم کیا یوں جاپان نے پاکستان کو دو کے مقابلے میں تین گول سے شکست دےکر سیمی فائنل کے لیےکوالیفائی کرلیا۔
پاکستان ایشین گیمز میں اب پانچویں پوزیشن کے لیے میچ کھیلےگا اور اولمپکس کے لیے بھی کوالیفائنگ راؤنڈ کھیلنا ہوگا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
