Geo News
Geo News

Time 08 اکتوبر ، 2023
دنیا

فاشسٹ اسرائیلی حکومت فلسطینیوں کی نسل کُشی کر رہی ہے: اسرائیلی رکن پارلیمنٹ

فوٹو: فائل
فوٹو: فائل

اسرائیل کے رکن پارلیمنٹ عوفركیسف نے اسرائیلی حکومت اور وزیراعظم بن یامین نیتن یاہو کو اسرائیل پر حملوں کا ذمہ دار قرار دیتے ہوئے کہا ہے کہ فاشسٹ اسرائیلی حکومت فلسطینیوں کے قتل عام کی حمایت کرتی ہے اور نسل کُشی کے لیے کام کر رہی ہے۔

 بائیں بازو اتحاد کے رکن اسمبلی عوفركیسف کا کہنا ہےکہ فلسطینی سرزمین پر مسلسل غیرقانونی قبضوں اور فلسطینیوں سے رواسلوک پر بن یامین حکومت کو ایسے حملوں کے لیے خبردار کر دیا تھا۔

 عوفركیسف کا کہنا ہےکہ موجودہ اسرائیلی حکومت ایک فاشسٹ حکومت ہے جو فلسطینیوں کے قتل عام کی پالیسی پر عمل پیرا ہے اور  فلسطینیوں کی نسل کشی کر رہی ہے۔ 

اسرائیلی رکن اسمبلی کا کہنا تھا کہ بارہا حکومت کو کہا تھاکہ اگر  فلسطینیوں کی سرزمین سے  قبضہ ختم نہ کیا تو اس کا خطرناک ردعمل آئےگا۔