بھارتی ٹی وی اداکارہ کے کزن اور بہنوئی اسرائیل میں ہلاک

بھارتی ٹی وی کی اداکارہ مدھرا نائیک کی کزن اور بہنوئی اسرائیل فلسطین کشیدگی  کے دوران ہلاک ہوگئے۔

سوشل میڈیا پر مدھرا نائیک کی جانب سے ایک ویڈیو شیئر کرتے ہوئے کزن اور بہنوئی کی ہلاکت کا دعویٰ کیا گیا ہے۔

ویڈیو پیغام میں  بھارتی نژاد  یہودی اداکارہ نے کہا کہ اسرائیل میں مقیم ان کی کزن اور ان کے شوہر ہلاک ہوگئے ہیں، اس وقت میں اور ہماری فیملی جس درد کا سامنا کررہے ہیں اسے لفظوں میں بیان نہیں کہیں جاسکتا۔

اس سے قبل حماس اور اسرائیل کے درمیان ہونے والی کشیدگی کے باعث  بالی وڈ اداکارہ نشرت بھروچا بھی اسرائیل میں پھنس گئی تھیں جو بعد میں ممبئی پہنچ گئیں۔