پاکستان
15 اکتوبر ، 2023
15 اکتوبر ، 2023 
لاہور کے مختلف علاقوں میں وقفے وقفے سے بارش، نشیبی علاقے زیر آب
15 اکتوبر ، 2023
لاہور میں ائیرپورٹ، علامہ اقبال ٹاؤن، سبزہ زار اور سمن آباد سمیت مختلف علاقوں میں وقفے وقفے سے ہونے والی بارش کے بعد نشیبی علاقے زیر آب آگئے۔
مختلف علاقوں میں بارش کے باعث فیڈر ٹرپ ہونے سے کئی علاقوں میں بجلی کی فراہمی بھی معطل ہوگئی۔
لاہور میں موسم کی خرابی کے سبب علامہ اقبال ائیرپورٹ پر طیاروں کی لینڈنگ میں دشواری کے باعث پی آئی اے کی باکو سے لاہور آنے والی پرواز پی کے 160 کو ملتان کی طرف موڑ دیا گیا۔
