16 اکتوبر ، 2023 
امریکی وزیر خارجہ انٹونی بلنکن کا سعودی عرب کے بعد مصر اور اردن کا دورہ
16 اکتوبر ، 2023
امریکی وزیر خارجہ انٹونی بلنکن کی ریاض میں سعودی ولی عہد محمد بن سلمان سے ملاقات کے بعد مصر اور اردن کے رہنماؤں سے ملاقاتیں، اسرائیل فلسطین معاملے پر تبادلہ خیال کیا۔
سعودی عرب کے بعد انٹونی بلنکن مصر پہنچے جہاں انہوں مصری صدر عبدالفتاح السیسی سے ملاقات کی۔
امریکی وزیر خارجہ سے ملاقات کے موقع پر مصری صدر نے غزہ کی سویلین آبادی پر اسرائیلی بمباری کو مسترد کرتے ہوئے کہا کہ اسرائیل دفاع سے کافی آگے بڑھ چکا ہے اب وہ اجتماعی سزا پر اتر آیا ہے۔
مصری صدر سے ملاقات کے بعد امریکی وزیر خارجہ انٹونی بلنکن اردن پہنچے جہاں انہوں نے اردن کے اعلیٰ حکام سے ملاقاتیں کی، وہ دوبارہ اسرائیل کا دورہ بھی کریں گے۔
دوسری جانب امریکی قومی سلامتی مشیر جیک سلیوان نے کہا ہے کہ غزہ کے فلسطینی وقار، تحفظ اور سلامتی کے حقدار ہیں، اسرائیل کو شہریوں کیلئے خوراک، پانی اور تحفظ کا احترام کرنا چاہیے۔
انہوں نے کہا کہ اسرائیل فلسطین تنازع میں ایران کے براہ راست ملوث ہونے کا امکان نظر انداز نہیں کر سکتے۔
مزید خبریں :
البانیہ نے ٹک ٹاک پر ایک سال کیلئے پابندی لگا دی
22 دسمبر ، 2024
ترکیہ میں ہیلی کاپٹر حادثے میں 4 افراد ہلاک
22 دسمبر ، 2024
