16 اکتوبر ، 2023 
پاکستان
دونوں رہنماؤں نے عالمی معاشی امور اور پاکستان کے معاشی استحکام کیلئے اقدامات پر تبادلہ خیال کیا— فوٹو: انٹرنیٹ
نگران وزیر خزانہ کی آئی ایم ایف سربراہ سے ملاقات
16 اکتوبر ، 2023
نگران وزیر خزانہ ڈاکٹر شمشاد اختر نے مراکش میں عالمی مالیاتی ادارے (آئی ایم ایف) کی سربراہ کرسٹالینا جارجیوا سے ملاقات کی۔
ملاقات میں دونوں رہنماؤں نے عالمی معاشی امور اور پاکستان کے معاشی استحکام کیلئے اقدامات پر تبادلہ خیال کیا۔
اعلامیے کے مطابق ملاقات میں پاکستان میں معاشی استحکام کیلئے مشترکہ اقدامات اور عالمی تعاون پر اتفاق کیا گیا۔
اعلامیہ میں بتایا گیا ہے کہ نگران وزیر خزانہ نے ایم ڈی آئی ایم ایف سے ملاقات کے موقع پر معاشی اصلاحات پر حکومت کے عزم کا اعادہ کیا۔
