18 اکتوبر ، 2023 
بابر اعظم بیٹرز کی رینکنگ میں ٹاپ پوزیشن پر برقرار، شبمن گل کا دوسرا نمبر
18 اکتوبر ، 2023
دبئی : انٹرنیشنل کرکٹ کونسل (آئی سی سی ) کی ون ڈے پلیئرز رینکنگ میں قومی ٹیم کے کپتان بابر اعظم سر فہرست براجمان ہیں۔
آئی سی سی کی جانب سے ون ڈے پلیئرز کی رینکنگ جاری کردی گئی ہے ، ون ڈے بیٹرز کی رینکنگ میں پاکستان ٹیم کے کپتان بابر اعظم کی پہلی جبکہ بھارت کے شبمن گِل کی رینکنگ میں دوسری پوزیشن برقرار ہے۔
جاری رینکنگ میں جنوبی افریقا کے کوئنٹن ڈی کاک ایک درجے ترقی کے بعد تیسرے نمبر اور جنوبی افریقا کے رسی وین ڈر ڈوسن چوتھے نمبر پر چلے گئے ہیں۔
جبکہ قومی ٹیم کے اوپننگ بیٹر امام الحق رینکنگ میں دسویں اور فخر زمان 13 ویں نمبر پر موجود ہیں۔
ون ڈے بولرز کی رینکنگ میں آسٹریلیا کے جوش ہیزل ووڈ کا پہلا ، نیوزی لینڈ کے ٹرینٹ بولٹ کا دوسرا جبکہ بھارت کے محمد سراج تیسری پوزیشن پر براجمان ہیں ۔
ون ڈے آل راؤنڈرز میں بنگلا دیش کے شکیب الحسن سرفہرست موجود ہیں۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
