18 اکتوبر ، 2023 
امریکا اسرائیل کی حمایت میں اندھی جانبداری کا مظاہرہ کر رہا: حماس کا بائیڈن کے بیان پر ردعمل
18 اکتوبر ، 2023
فلسطینی مزاحمتی تنظیم حماس نے غزہ کے الاہلی اسپتال پر اسرائیلی فوج کے حملے کے حوالے سے امریکی صدر جو بائیڈن کے بیان پر رد عمل کا اظہار کیا ہے۔
امریکی صدر جوبائیڈن اسرائیل کے دورے پر تل ابیب پہنچے جہاں انہوں نے اسرائیلی وزیر اعظم نیتن یاہو سے ملاقات کی۔
امریکی صدر نے نیتن یاہو سے گفتگو میں غزہ کے اسپتال پرحملے کی ذمہ داری فلسطینی گروپ پر ڈال دی اور کہا کہ غزہ کے اسپتال پر حملہ بظاہر آپ نے نہیں دوسری ٹیم نے کیا البتہ امریکی صدر نے اس حوالے سے کسی ثبوت کا کوئی ذکر نہیں کیا۔
اس حوالے سے حماس نے بیان جاری کیا ہے۔ حماس کے ترجمان کے مطابق امریکا اسرائیل کی حمایت میں اندھی جانبداری کا مظاہرہ کر رہا ہے۔
خیال رہے کہ گزشتہ شب اسرائیل نے غزہ کے ایک اسپتال پر حملہ کیا تھا جس کے نتیجے میں بچوں اور خواتین سمیت 500 سے زائد فلسطینی شہید اور سیکڑوں زخمی ہوئے۔
نیتن یاہو کا دعویٰ ہے کہ غزہ کا اسپتال اسرائیل کی بمباری نہیں، اسلامی جہاد کے راکٹ کا نشانہ بنا ہے تاہم غزہ کے اسپتال پر حملے سے پہلے اور حملے کے بعد اسرائیلی بیانات جھوٹ کا ثبوت بن گئے۔
اسپتال پر حملے سے کچھ دیر پہلے اسرائیلی وزیراعظم نے ٹوئٹ کیا کہ یہ جنگ تاریکی اور بدی کی اولاد کے درمیان ہے۔ بعدازاں ٹوئٹ ڈیلیٹ کردیا۔
مزید خبریں :
گزشتہ مہینہ انسانی تاریخ کا گرم ترین جنوری قرار
56 منٹ پہلے
امریکی صدر ٹرمپ نے ایران پر مزید پابندیاں لگادیں
6 گھنٹے پہلے
