18 اکتوبر ، 2023 
پاکستان
فوٹو: اے پی پی
پاکستان اور چین کے درمیان 6 ارب 70 کروڑ ڈالر کے ایم ایل ون معاہدے پر دستخط
18 اکتوبر ، 2023
پاکستان اور چین کے درمیان مین لائن (ایم ایل) ون منصوبے پر بڑی پیش رفت ہوئی ہے۔
سیکرٹری ریلوے نے کہا ہے پاکستان اور چین کے درمیان 6 ارب 70کرو ڑ ڈالر مالیت کے ایم ایل ون منصوبے پر دستخط ہو گئے ہیں، منصوبے پر جلد کام شروع ہو جائے گا۔
وزارت ریلوے کی طرف سے جاری کیے گئے اعلامیے کے مطابق ایم ایل ون منصوبے کے تحت کراچی سے پشاور تک ریلوے نظام کو جدید بنایا جائے گا۔
اس معاہدے سے پاکستان کا پورا ٹرانسپورٹیشن نظام تبدیل ہو جائے گا۔ ایم ایل ون منصوبے کی لاگت 9 ارب ڈالر سے کم ہوکر 6.7 ارب ڈالر ہوگئی ہے۔
سیکرٹری ریلوے نے کہا کہ ایم ایل ون ایک اسٹریٹیجک منصوبہ ہے۔
