22 اکتوبر ، 2023 
پاکستان
فرخ حبیب کو استحکام پاکستان پارٹی میں اہم عہدہ دیے جانے کا امکان ہے: ذرائع— فوٹو:فائل
فرخ حبیب اور فواد چوہدری کی جہانگیر ترین سے ملاقات، پارٹی امور پر بات چیت
22 اکتوبر ، 2023
پاکستان تحریک انصاف کو خیرباد کہہ کر استحکام پاکستان پارٹی میں شامل ہونے والے فرخ حبیب نے پارٹی کے سربراہ جہانگیر ترین سے ملاقات کی ہے۔
ذرائع کے مطابق ملاقات میں عون چوہدری بھی موجود تھے، جہانگیر ترین نے فرخ حبیب کو پارٹی میں شمولیت پر خوش آمدید کہا۔
ذرائع کا کہنا ہے کہ فرخ حبیب کو استحکام پاکستان پارٹی میں اہم عہدہ دیے جانے کا امکان ہے۔
اس کے علاوہ فواد چوہدری نے بھی استحکام پاکستان پارٹی کے سربراہ جہانگیر ترین سے ملاقات کی۔
ملاقات میں آئندہ کے سیاسی لائحہ عمل اور پارٹی امور پر بات چیت کی گئی۔
