25 اکتوبر ، 2023 
غیرملکی مبصرین کو کونسی شرائط پوری کرنا ہوں گی؟ الیکشن کمیشن کا دعوت نامہ جاری
25 اکتوبر ، 2023
الیکشن کمیشن نے عام انتخابات کے دوران جائزے کے لیے غیر ملکی مبصرین کو دعوت نامہ جاری کر دیا۔
الیکشن کمیشن کی جانب سے جاری بیان میں کہا گیا ہے کہ انتخابات کی شفافیت کیلئے ملکی و غیر ملکی مبصرین کیلئے اوپن ڈور پالیسی ہے تاہم غیر ملکی مبصرین کو الیکشن کمیشن میں ایکریڈیشن کرانا لازمی ہو گی۔
الیکشن کمیشن کے مطابق غیر ملکی مبصرین ویزے کے جلد حصول کیلئے وزارت خارجہ کے”پاکستان آن لاٸن پورٹل“ پر کواٸف جمع کرائیں جبکہ ایکرڈیشن فارم الیکشن کمیشن کی ویب ساٸٹ سے ڈاٶن لوڈ کیے جا سکتے ہیں۔
الیکشن کمیشن نے غیر ملکی مبصرین کیلئے سکیورٹی کلیئرنس لازمی قرار دیتے ہوئے کہا ہے کہ سیاسی وابستگی رکھنے والوں کو ایکریڈیشن جاری نہیں کیا جائے گا۔
الیکشن کمیشن کا کہنا ہے کہ غیر ملکی مبصرین انتخابی بے قاعدگیوں کی رپورٹ جمع کراٸیں گے، غیر ملکی مبصرین رپورٹ میں انتخابی عمل مزید بہتر بنانے کیلئے تجاویز بھی دے سکتے ہیں۔
یاد رہے کہ الیکشن کمیشن نے اگلے برس جنوری کے تیسرے ہفتے میں عام انتخابات کروانے کا اعلان کیا ہے تاہم الیکشن کمیشن کی جانب سے تاحال کوئی تاریخ سامنے نہیں آئی ہے۔
