25 اکتوبر ، 2023 
کے الیکٹرک کو بجلی کی تقسیم کار تمام کمپنیوں سے زیادہ سبسڈی دیے جانےکا انکشاف
25 اکتوبر ، 2023
بجلی کی سرکاری تقسیم کار کمپنیوں کے مقابلے میں کراچی میں بجلی کی تقسیم کار نجی کمپنی کے الیکڑک کو سب سے زیادہ سبسڈی دیے جانےکا انکشاف ہوا ہے۔
سیکرٹری پاور ڈویژن راشد لنگڑیال نے ڈسکوز اور کے الیکٹرک کو ملنے والی سبسڈی پربیان میں کہا ہےکہ حکومت تمام بجلی کمپنیوں کو ملا کر بھی کے الیکٹرک سےکم سبسڈی دے رہی ہے۔
راشدلنگڑیال کے مطابق کے الیکڑک 169 ارب روپے کی سبسڈی لے رہی ہے جب کہ دیگر 7 تقسیم کار کمپنیاں 158 ارب روپے کی وفاقی سبسڈی لے رہی ہیں۔
راشد لنگریال کا کہنا ہےکہ بجلی کی 3 تقسیم کار کمپنیاں وفاق سے کوئی سبسڈی نہیں لے رہی ہیں۔
سیکرٹری پاور ڈویژن کے مطابق وفاق کی جانب سے میپکو کو 43 ارب، گیپکو کو 18 ارب، حیسکو کو 35 ارب روپے، پیسکو کو 18 ارب، ٹیسکو کو 9 ارب، سیپکو کو 13ارب اورکیسکو کو 22 ارب روپے کی سبسڈی مل رہی ہے۔
سیکرٹری پاور ڈویژن کا کہنا ہے کہ آئیسکو، لیسکو اور فیسکو وفاق سے کوئی سبسڈی نہیں لے رہیں۔
مزید خبریں :
روپے کے مقابلے میں ڈالر سستا ہوگیا
5 گھنٹے پہلے
سونا مسلسل مہنگا، ایک بار پھر قیمت میں بڑا اضافہ
7 گھنٹے پہلے
طیارہ سازی کی صنعت میں پاکستان ایک قدم مزید آگے
10 گھنٹے پہلے
روف سولر پینل ٹیرف میں کمی پر غور
21 نومبر ، 2024
ملک میں آج ڈالر کی قیمت کیا رہی؟
20 نومبر ، 2024
