27 اکتوبر ، 2023 
پاکستان
خدیجہ شاہ کے خلاف تھانہ سرور روڈ پولیس نے مقدمہ درج کررکھا ہے— فوٹو:فائل
9 مئی جلاؤ گھیراؤ کیس: عدالت کا خدیجہ شاہ کو جوڈیشل ریمانڈ پر جیل بھیجنے کا حکم
27 اکتوبر ، 2023
لاہور کی انسدادِ دہشت گردی عدالت نے 9 مئی کو جلاؤ گھیراؤ کے کیس میں معروف فیشن ڈیزائنر و پاکستان تحریک انصاف کی سپورٹر خدیجہ شاہ کو جوڈیشل ریمانڈ پر جیل بھیج دیا۔
انسداد دہشت گردی عدالت میں جلاؤ گھیراؤ کیس کی سماعت ہوئی۔ عدالت نے خدیجہ شاہ کو 14 روزہ جوڈیشل ریمانڈ پر جیل بھیجنے کا حکم دیا۔
خدیجہ شاہ کے خلاف تھانہ سرور روڈ پولیس نے مقدمہ درج کررکھا ہے۔
دوسری جانب لاہور ہائیکورٹ نے پی ٹی آئی کی سپورٹر خدیجہ شاہ کی جانب سے پولیس افسران کے خلاف دائر توہین عدالت کی درخواست پر آئی جی پنجاب کو تین نومبر کو طلب کرلیا۔
