28 اکتوبر ، 2023 
کاروں پر 37 سے 43 فیصد ٹیکس آٹو انڈسٹری کی ترقی کی راہ میں رکاوٹ
28 اکتوبر ، 2023
کراچی: پاکستان ایسوسی ایشن آف آٹو موٹیو پارٹس اینڈ ایکسے سریز مینوفیکچررز(پاپام) کے چیئرمین عبدالرحمان عزیز نے کہا ہے کہ کاروں پر 37سے 43 فیصد ٹیکسوں کا نفاذ آٹو انڈسٹری کی ترقی کی راہ میں بڑی رکاوٹ ہے۔
کراچی ایکسپو سینٹر میں پاکستان آٹو شو 2023کی افتتاحی تقریب سے خطاب کرتے ہوئے چیئرمین عبدالرحمان عزیز نے کہا ہے کہ حکومت آٹو انڈسٹری کے ساتھ دودھ دینے والی گائے جیسا برتاؤ کرتے ہوئے ٹیکسوں کا بوجھ ڈالنا بند کرے، آٹو انڈسٹری کی ترقی کے لیے ضروری ہے کہ حکومتی ٹیکس کم کیے جائیں۔
انہوں نے کہا کہ آٹو انڈسٹری صرف پسنجر کاروں اور ایس یو ویز تک ہی محدود نہیں، مینوفیکچرنگ بیس کو وسیع کرتے ہوئے بحران کا شکار انڈسٹری کو بحالی کی راہ پر ڈالنے کے لیے حکومتی ٹیکسوں میں کمی ضروری ہے۔
چیئرمین پاپام کا کہنا تھا کہ پاکستان میں 300 کے لگ بھگ کمپنیاں کاروں کے ہزاروں پرزے تیار کررہی ہیں جو بڑے پیمانے پر روزگار کی فراہمی کے ساتھ ملک کی صنعتی پیداوار بڑھانے میں بھی اہم کردار ادا کرتی ہیں۔
مزید خبریں :
یوٹیلیٹی اسٹورز پر چینی کی قیمت میں کمی کردی گئی
5 گھنٹے پہلے
کراچی کے سوا باقی ملک کیلئے بجلی سستی ہوگئی
06 نومبر ، 2024
انٹربینک میں ڈالر کی قیمت میں اضافہ
06 نومبر ، 2024
ملک بھر میں سونے کی قیمت میں کمی
06 نومبر ، 2024
بجلی صارفین پر 8 ارب 71کروڑ روپے کا بوجھ ڈالنے کی درخواست جمع
06 نومبر ، 2024
روپےکے مقابلے میں ڈالر کی قدر میں اضافہ ہوگیا
05 نومبر ، 2024
