31 اکتوبر ، 2023 
پاکستان
شیخ رشید کیا بتائے کہ مجھے چپیڑیں ماری گئیں اور منہ پر کپڑا ڈالا گیا: سینئر قانون دان کی میڈیا سے گفتگو/ فائل فوٹو
شیخ رشید کے سیل میں چوہے چھوڑے گئے اور وہاں پر مکھیاں بھی تھیں: لطیف کھوسہ
31 اکتوبر ، 2023
سینئر قانون دان سردار لطیف کھوسہ نے دعویٰ کیا ہےکہ شیخ رشید کو چپیڑیں ماری گئیں اور سیل میں چوہے چھوڑے گئے۔
لاہور میں سپریم کورٹ رجسٹری کے باہر میڈیا سے گفتگو میں لطیف کھوسہ نے لاپتا ہونے کے دوران شیخ رشید پر تشدد کیے جانے کا الزام عائد کیا۔
لطیف کھوسہ نے کہا کہ شیخ رشید کیا بتائے کہ مجھے چپیڑیں ماری گئیں اور منہ پر کپڑا ڈالا گیا، شیخ رشید کے سیل میں چوہے چھوڑے گئے اور وہاں پر مکھیاں بھی تھیں۔
انہوں نے مزید کہا کہ چیئرمین پی ٹی آئی کو سائفر کیس میں جیل میں نہیں رکھا جاسکتا اور آئین پاکستانی شہریوں کو بنیادی حقوق فراہم کرتا ہے۔
