اداکارہ منال خان کے ہاں بیٹے کی پیدائش

پاکستانی اداکارہ منال خان کے گھر پہلے بیٹے کی پیدائش ہوئی ہے۔

اداکارہ اور ان کے شوہر احسن محسن اکرام کی جانب سے بدھ کی سہ پہر انسٹاگرام پر پوسٹ شیئر کی گئی جس میں انہوں نے مداحوں کو مطلع کیا کہ جوڑے کے ہاں بیٹے کی پیدائش ہوئی۔

منال اور احسن کے ہاں بدھ کی صبح 10 بج کر 48 منٹ پر ننھے مہمان کی آمد ہوئی جس کا نام 'محمد حسن اکرام' رکھا گیا ہے۔

اداکارہ کی جانب سے شیئر کردہ پوسٹ پر انہوں نے مداحوں سے دعاؤں کی اپیل بھی کی ہے۔

منال خان کی پوسٹ پر معروف شوبز شخصیات کمنٹس کررہی ہیں اور جوڑے کو مبارکباد دے رہی ہیں، ساتھ ہی مداحوں کی جانب سے بھی احسن، منال اور ان کے ننھے مہمان کے لیے نیک خواہشات کا اظہار کیا جارہا ہے۔