02 نومبر ، 2023 
جبالیا بمباری پر اسرائیلی فوجی ترجمان کی سفاکیت، امریکی اینکر نے آڑے ہاتھوں لے لیا
02 نومبر ، 2023
جبالیا کے پناہ گزین کیمپ پر اسرائیلی بمباری کے بعد اسرائیلی فوجی ترجمان نے سفاکیت کی انتہا کردی جس پر امریکی ٹی وی میزبان نے آڑے ہاتھوں لیتے ہوئے اسرائیلی ترجمان پر سوالات کی بوچھاڑ کردی۔
امریکی اینکر کے پے در پے سوالوں کے بعد اسرائیلی ترجمان نے جبالیا کیمپ پر خواتین اور بچوں کی موجودگی کا اعتراف کرتے ہوئے پناہ گزینوں کی شہادت پر کہا کہ یہ تو جنگ کا المیہ ہے، ہم نے تو پہلے ہی کہا تھا کہ یہاں سے چلے جاؤ۔
اسرائیلی فوجی کمانڈر نے اپنی گفتگو کے دوران حماس کمانڈر کی شہادت کی تصدیق سے بھی انکار کردیا۔
خیال رہے کہ جبالیا کیمپ سے اب تک 50 افراد کی لاشیں نکالی جاچکیں ہیں جبکہ ساڑھے 3 سو زخمی اور سینکڑوں افراد کے ملبے تلے دبے ہونے کا خدشہ ہے۔
حماس کا کہنا ہے کہ جبالیا پناہ گزین کیمپ پر اسرائیلی بمباری میں سات یرغمالی بھی مارے گئے۔
دوسری جانب اسرائیل نے غزہ پٹی میں رات بھر زمینی آپریشن کے دوران حماس کے ٹھکانوں کو نشانہ بنانے کا دعویٰ کیا ہے۔
