02 نومبر ، 2023 
ویڈیو: فلسطینیوں کا علاج کرنیوالی خاتون ڈاکٹر زخمی بیٹی کو اسٹریچر پر دیکھ کر بے ہوش
02 نومبر ، 2023
غزہ کے اسپتال میں علاج کرنے والی خاتون ڈاکٹر اسرائیلی بمباری میں زخمی اپنی ہی بیٹی کو اسپتال کے اسٹریچر پر دیکھ پر بے ہوش ہوگئی۔
غزہ پر جاری اسرائیلی جارحیت کے پیش نظر سوشل میڈیا پر آئے روز دل خراش ویڈیوز سامنے آرہی ہیں ایسی ہی ایک ویڈیو سوشل میڈیا پر وائرل ہے۔
یہ ویڈیو غزہ کی خاتون ڈاکٹر غدہ ابو ایدہ کی ہے جو جنگی حالات میں بھی اپنے فرائض کی انجام دہی کیلئے اسپتال میں موجود ہیں لیکن غدہ کو یہ معلوم نہیں تھا کہ ان کی اپنی بیٹی بھی اسرائیل کی بربریت کا شکار ہوگئی ہے۔
وائرل ویڈیو میں دیکھا جاسکتا ہے کہ اسٹریچر پر ایک زخمی بچی کو ایمرجنسی میں لایا جارہا ہے اس دوران اسپتال میں موجود خاتون ڈاکٹر بچی کو دیکھ کر زار و قطار رونے لگتی ہیں اور پھر بے ہوش ہوجاتی ہیں۔
سوشل میڈیا صارفین کی جانب سے وائرل ویڈیو پر خاتون ڈاکٹر اور ان کی بیٹی سمیت فلسطین کے مسلمانوں کیلئے دعائے خیر کی جارہی ہے۔
واضح رہے غزہ پر اسرائیلی بربریت کا سلسلہ جاری ہے میڈیا رپورٹس کے مطابق اسرائیلی حملوں میں اب تک 8 ہزار 700 سے زائد فلسطین شہید ہوچکے ہیں۔
مزید خبریں :
حزب اللہ کے راکٹ حملے میں اسرائیلی شہری ہلاک
3 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
4 گھنٹے پہلے
