04 نومبر ، 2023 
پاکستان
پروٹوکول لینے کا شوق نہیں، نہ ہی بطور وزیراعلیٰ سرکاری پروٹوکول لیا ہے: محسن نقوی
04 نومبر ، 2023
نگران وزیراعلیٰ پنجاب محسن نقوی نے شہید پولیس افسر کی یاد میں منعقدہ تقریب کے دوران پروٹوکول کے معاملے پر ہونے والی تنقید کا جواب دیدیا۔
اپنے بیان میں نگران وزیر اعلیٰ پنجاب نے کہا کہ ایس ایس پی اشرف مارتھ کو خراج عقیدت پیش کرنے کیلئے تقریب منعقد کی گئی تھی، مگر صرف ریڈ کارپٹ دکھایا جا رہا ہے۔
انہوں نے کہا کہ اشرف مارتھ شہید کیلئے سلامی کی تقریب پر کسی کو تکلیف ہو تو اس کا علاج اللہ تعالی ہی کر سکتے ہیں۔
محسن نقوی نے وضاحت دیتے ہوئے کہا کہ انہیں پروٹوکول لینے کا شوق نہیں، نہ انہوں نے بطور وزیراعلیٰ سرکاری پروٹوکول لیا ہے۔
ایس ایس پی اشرف مارتھ کو دہشتگردوں کے خلاف کارروائی کی پاداش میں 6 مئی 1997 کو ان کے ڈرائیور کے ہمراہ شہید کر دیا گیا تھا۔
