05 نومبر ، 2023 
جماعت اسلامی کے رہنما مشتاق خان غزہ کے فلسطینیوں کی مدد کیلئے مصر پہنچ گئے
05 نومبر ، 2023
جماعت اسلامی کے رہنما و سینیٹر مشتاق خان اسرائیلی کی جارحیت کا سامنا کرنے والے مقبوضہ فلسطین کے محصور علاقے غزہ کے فلسطینیوں کی مدد کیلئے مصر پہنچ گئے۔
سینیٹر مشتاق نے مصر کے دارالحکومت قاہرہ میں ہلال احمر مصر کے سربراہ ڈاکٹر رامی سے ملاقات کی۔
ملاقات میں سینیٹر مشتاق خان نے فلسطینیوں کیلئے پاکستانی قوم اور پاکستانی فلاحی تنظیموں کی جانب سے ڈاکٹرز، ادویات، خوراک اور دیگر ضروریات کی فراہمی کی یقین دہانی کرائی اور کہا کہ غزہ کی ہر ضرورت پورا کریں گے۔
انہوں نے کہاکہ پاکستان سے ہر شعبہ کے ماہر ڈاکٹرز غزہ آنے کیلئے تیار ہیں اور پاکستانی قوم ڈاکٹرز، ادویات اور خوراک سمیت فلسطینیوں کی ضروریات پوری کرنے کی کوشش کرے گی۔
مشتاق خان کا کہنا تھاکہ ملاقات میں ڈاکٹر رامی نے بتایا کہ فوری سیز فائر ناگزیر ہے تاکہ انسانی امداد غزہ پہنچائی جاسکے، تباہی اتنی بڑے پیمانے پر ہوئی ہے کہ ناقابل بیان ہے۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
