07 نومبر ، 2023 
پاکستان
کوٹ ادو: تیز رفتار بس گدھا ریڑھیوں پر چڑھ دوڑی، 5 مزدور جاں بحق
07 نومبر ، 2023
کوٹ ادو میں ٹبہ موچی والی کے قریب تیز رفتار مسافر بس بےقابو ہوکر گدھا ریڑھیوں پر چڑھ دوڑی۔
ریسکیو کے مطابق حادثے میں ریڑھیوں پر سوار 5 مزدور جاں بحق اور 3 زخمی ہوگئے، گدھا ریڑھیوں پر سوار مزدور علی الصبح مزدوری کے لیے کوٹ ادو سے سنانواں جارہے تھے۔
ریسکیو حکام نے بتایا کہ جاں بحق ہونے والے افراد کی لاشوں اور زخمیوں کو دیہی مرکز صحت سنانواں منتقل کردیا گیا ہے۔
پولیس کا کہنا ہےکہ حادثے کے بعد مسافر بس کا ڈرائیور موقع سے فرار ہوگیا اور حادثے کے حوالے سے قانونی کارروائی شروع کردی گئی ہے۔
