08 نومبر ، 2023 
پاکستان
ڈی جی سول ایوی ایشن نے جناح انٹرنیشنل ائیرپورٹ کے ڈومیسٹک لاؤنج میں کھانے سے کیڑا نکلنے کی خبر کا نوٹس لے لیا/ فوٹو سوشل میڈیا
جناح انٹرنیشنل ائیرپورٹ کے ڈومیسٹک لاؤنج میں کھانے سےکیڑا نکل آیا
08 نومبر ، 2023
اسلام آباد: پاکستان سول ایوی ایشن اتھارٹی ( سی اے اے)کے ڈائریکٹر جنرل نے جناح انٹرنیشنل ائیرپورٹ کے ڈومیسٹک لاؤنج میں کھانے سے کیڑا نکلنے کی خبر کا نوٹس لے لیا۔
میڈیا رپورٹس کے مطابق جناح انٹرنیشنل ائیرپورٹ کے ڈومیسٹک لاؤنج میں مسافروں کےکھانے سے کیڑا نکلنے کا انکشاف ہوا تھا اور سامنے آنے والی فوٹیج میں کھانے پر رینگتے کیڑے کو بھی دیکھا گیا۔
ڈی جی سول ایوی ایشن اتھارٹی کے حکم پر کراچی کے جناح انٹرنیشنل ائیرپورٹ کے منیجر کو تحقیقات کے احکامات جاری کر دیے گئے ہیں، ائیرپورٹ منیجر اعلیٰ سطح کی تحقیقاتی کمیٹی کے ذریعے چھان بین کریں گے۔
اعلیٰ سطح کی کمیٹی میں سول ایوی ایشن اتھارٹی کے افسر، ڈاکٹر اور ہیلتھ سروسز کے اہلکار شامل کیے گئے ہیں۔
