08 نومبر ، 2023 
امریکی پیزا کمپنی نے 'سانپ پیزا' متعارف کرادیا
08 نومبر ، 2023
آپ نے مختلف فلیور کے پیزا کھائے ہوں گے لیکن آج ہم آپ کو ایک ایسے فلیور کے بارے میں بتائیں گے جسے جان کر آپ حیران رہ جائیں گے۔
غیر ملکی میڈیا کے مطابق امریکا کی مشہور پیزا کمپنی نے ہانگ کانگ کے ایک قدیم ریسٹورینٹ کے ساتھ مل کر روایتی ڈش کو ایک نیا رنگ دینے کی کوشش کی ہے۔
اس نئے فلیور کے پیزا میں سانپ کے گوشت کے ساتھ کالی مشروم اور سور کے گوشت کو بھی شامل کیا گیا ہے جب کہ اس میں مخصوص قسم کے ساسز کو بھی استعمال کیا گیا ہے۔
میڈیا رپورٹس کے مطابق سانپ کے گوشت کو ہانگ کانگ میں بہت شوق سے کھایا جاتا ہے اور خاص طور پر سرد موسم میں اس کی مانگ میں اضافہ ہوجاتا ہے۔
ہانگ کانگ کے مقامی افراد کا کہنا ہےکہ سانپ کے گوشت میں بہت سی خصوصیات چھپی ہوتی ہیں جو ہماری جلد کو بہتر کرنے اور سردیوں میں جسم کو گرم رکھنے میں مدد فراہم کرتی ہے۔
ہانگ کانگ کے علاوہ ویتنام اور تھائی لینڈ سمیت دنیا کے مختلف ممالک میں بھی سانپ کے گوشت کا استعمال کیا جاتا ہے۔
مزید خبریں :
آخر فروری وہ واحد مہینہ کیوں ہے جو صرف 28 دنوں کا ہوتا ہے؟
23 فروری ، 2025
آسمان پر 7 سیاروں کو ایک ساتھ دیکھنا چاہتے ہیں؟
21 فروری ، 2025
سعودی عرب کے منفرد سیاحتی منصوبے کی تصاویر دیکھیں
21 فروری ، 2025
کیا آپ سرکے کے ان حیرت انگیز فوائد سے واقف ہیں؟
20 فروری ، 2025
