11 نومبر ، 2023 
پاکستان
فوٹو: جیو نیوز
فوٹو: جیو نیوز
بلوچستان کے ساحل پر27 فٹ لمبی وہیل مردہ حالت میں پائی گئی
11 نومبر ، 2023
بلوچستان کے ساحل پر 27 فٹ لمبی وہیل مردہ حالت میں پائی گئی ہے۔
ڈپٹی ڈائریکٹر ماحولیات بلوچستان عبدالرحیم بلوچ کے مطابق وہیل پسنی کے علاقے سربندن کے ساحل پر مردہ حالت میں پائی گئی۔
عبدالرحیم بلوچ کے مطابق وہیل کے جسم پر ماہی گیری کے جال کے نشانات پائےگئے ہیں، لگتا ہے وہیل کی ہلاکت جال میں پھنسنے سے ہوئی ہے۔
رپورٹ کے مطابق یہ وہیل برائیڈز کہلاتی ہے اور اس کی نسل خطرے سے دوچار ہے۔
مشیر ڈبلیو ڈبلیو ایف پاکستان کا کہنا ہےکہ برائیڈز وہیل کی پاکستان میں موجودگی کئی مواقع پر رپورٹ ہوئی ہے۔
معظم خان کے مطابق حال ہی میں بحیرہ عرب سے برائیڈز نسل کے پھنسنےکی بڑی تعداد ریکارڈ کی گئی۔
