فہد کے میرے شو پر نہ آنے کی وجہ خاندانی مسائل ہیں: ندا یاسر

معروف میزبان ندا یاسر نے اداکار اور میزبان فہد مصطفیٰ سے خاندانی تنازع کا اعتراف کیا ہے۔

ندا یاسر حال ہی میں ایک پوڈ کاسٹ انٹرویو میں شریک ہوئی تھیں جس دوران میزبان نے ان سے سوال کیا کہ فہد مصطفیٰ  آپ کے مارننگ شو میں کیوں نہیں آتے؟

سوال کے جواب میں ندا کا کہنا تھا کہ فہد مصطفیٰ   کے میرے شو میں نہ آنے کی وجہ میں آن ائیر نہیں بتاسکتی۔

تاہم اس دوران ندا نے مذاقاً کہا کہ ’ فہد سے میری خاندانی دشمنی ہے‘۔

 بعد ازاں انہوں نے اس کی تردید کرتے ہوئے کہا کہ ایسا نہیں ہے لیکن فہد سے میرے کچھ خاندانی مسائل ہیں جس کی وجہ سے وہ میرے شو پر نہیں آتے۔