15 نومبر ، 2023 
حج پالیسی 2024 میں ترامیم منظور، آئندہ سال 179210 عازمین حج پر جائیں گے
15 نومبر ، 2023
نگران وفاقی کابینہ نے حج پالیسی 2024 میں ترامیم کی منظوری دے دی۔
نگران وزیراعظم انوارالحق کاکڑکی زیرصدارت وفاقی کابینہ کااجلاس ہوا جس میں کئی اہم فیصلے کیے گئے۔
اعلامیے کے مطابق وفاقی کابینہ نے حج پالیسی 2024 میں ترامیم کی منظوری دے دی جس کے تحت سرکاری، نجی اسکیمز کا غیراستعمال شدہ اسپانسر شپ کوٹہ سعودی حکومت کو واپس ہوگا۔
اعلامیے میں کہا گیا ہے کہ نئی حج پالیسی کے مطابق 10 سال سےکم عمربچے بھی حج اداکرسکیں گے، 80 سال سے زائد افراد کیلئے خدمت گارساتھ رکھنےکی شرط میں نرمی کی جائےگی۔
اعلامیے میں بتایا گیا ہے کہ آئندہ سال ایک لاکھ 79ہزار 210 عازمین حج پر جائیں گے جن میں سے 50 فیصد سرکاری اور 50 فیصد نجی اسکیم کے تحت جائیں گے۔
اس کے علاوہ کابینہ نے ہارڈ شپ حج کوٹہ میں کمی کی منظوری دی ہے۔
