16 نومبر ، 2023 
گردشی قرض میں اضافہ روکنےکیلئےگیس کی قیمتیں پھر بڑھانا ہونگی: نگران وزیر خزانہ
16 نومبر ، 2023
نگران وفاقی وزیر خزانہ ڈاکٹر شمشاد اختر نےکہا ہےکہ حکومت کو جنوری 2024 سے گیس کی قیمتیں پھر بڑھانا ہوں گی تاکہ گردشی قرض میں اضافہ نہ ہو۔
اسلام آباد میں آئی ایم ایف کے ساتھ معاہدے کے حوالے سے بریفنگ دیتے ہوئے نگران وفاقی وزیر خزانہ ڈاکٹر شمشاد اختر نےکہا کہ آئی ایم ایف کے ساتھ اسٹاف لیول معاہدہ ہوگیا ہے اور امید ہےآئی ایم ایف کا ایگزیکٹو بورڈ بھی جلد منظوری دے دےگا۔
نگران وزیر خزانہ کا کہنا تھا کہ مالی استحکام کے لیے ترقیاتی کاموں کو روکا نہیں جائےگا، حکومتی اخراجات میں کمی کی جائےگی، محصولات کو بڑھایا جائےگا، ترقیاتی کاموں کے لیے پبلک انویسمنٹ پلان شروع کیا جائےگا۔
ان کا کہنا تھا کہ آئی ایم ایف کو توانائی شعبے کے ٹیرف پر نظرثانی سے آگاہ کر دیا گیا ہے، رئیل اسٹیٹ اور ریٹیلرز سمیت مختلف شعبوں پر اضافی ٹیکس لگانےکا ابھی فیصلہ نہیں ہوا، اگر ٹیکس محاصل میں کوئی شارٹ فال ہوا تو پھر اضافی اقدامات کا سوچیں گے۔
اس سے قبل فیوچر سمٹ سے خطاب میں ان کا کہنا تھا کہ معیشت میں بہتری آنا شروع ہوگئی ہے ، مہنگائی بھی کم ہوگی، اسٹیٹ بینک کے زرمبادلہ ذخائر 4 ارب سے بڑھ کر 7 ارب ڈالر سے تجاوز کرچکے ہیں ، جس سے سرمایہ کاروں کا اعتماد بڑھے گا ، پر امید ہیں کہ پاکستان دوبارہ مستحکم ہوگا۔
مزید خبریں :
روپے کے مقابلے میں ڈالر سستا ہوگیا
10 گھنٹے پہلے
سونا مسلسل مہنگا، ایک بار پھر قیمت میں بڑا اضافہ
12 گھنٹے پہلے
طیارہ سازی کی صنعت میں پاکستان ایک قدم مزید آگے
21 نومبر ، 2024
روف سولر پینل ٹیرف میں کمی پر غور
21 نومبر ، 2024
ملک میں آج ڈالر کی قیمت کیا رہی؟
20 نومبر ، 2024
