18 نومبر ، 2023 
پاکستان
عدالت نے چالان کی نقول کی تقسیم کےلیے ملزمہ سومیہ عاصم کو طلب کرلیا— فوٹو:فائل
رضوانہ تشدد کیس، سول جج کی بیوی ملزمہ صومیہ آج بھی عدالت میں پیش نہ ہوئی
18 نومبر ، 2023
گھریلو تشدد کی شکار بچی رضوانہ کے کیس میں سول جج کی بیوی ملزمہ صومیہ عاصم آج بھی عدالت میں پیش نہ ہوئی۔
اسلام آباد کی ڈسٹرکٹ اینڈ سیشن کورٹ نے رضوانہ تشدد کیس پر سماعت کی۔ جج کی اہلیہ ملزمہ سومیہ عاصم عدالت پیش نہیں ہوئی جبکہ ملزمہ کے معاون وکیل عدالت پیش ہوئے۔
پراسیکیوٹر اور تفتیشی افسر ریکارڈ سمیت عدالت میں پیش ہوئے۔
تفتیشی افسر کا کہنا تھاکہ چالان رپورٹ عدالت میں جمع کرادی ہے جو فائل میں موجود ہے۔
پراسیکیوٹر نے مؤقف اپنایاکہ چالان عارضی ہے حتمی نہیں لیکن ٹرائل شروع کرنے اور فردجرم کیلئے کافی ہے۔
عدالت نے چالان کی نقول کی تقسیم کےلیے ملزمہ سومیہ عاصم کو طلب کرلیا۔
