21 نومبر ، 2023 
کرکٹ ورلڈکپ میں تماشائیوں کی تعداد نے تاریخ رقم کردی
21 نومبر ، 2023
بھارت میں ہونے والے آئی سی سی کرکٹ ورلڈ کپ نے نئی تاریخ رقم کردی جس دوران سب سے زیادہ تماشائیوں نے اسٹیڈیمز کا رخ کیا۔
آئی سی سی کے مطابق بھارت میں ہوئے ورلڈ کپ کے دوران 12 لاکھ 5 ہزار سے زائد تماشائیوں نے نے اسٹیڈیمز کا رخ کیا ، ٹورنامنٹ کے 6 میچز ابھی باقی تھے کہ تماشائیوں کی تعداد ایک ملین سے تجاوز کر چکی تھی۔
آئی سی سی کرکٹ ورلڈکپ نے براڈ کاسٹ اور ڈیجیٹل ویورشپ کے بھی ریکارڈز قائم کردیے ہیں۔
آئی سی سی کے مطابق 14اکتوبر کو نریندر مودی اسٹیڈیم میں ہونے والا پاک بھارت میچ اسٹیڈیم میں سب سے زیادہ دیکھا جانے والا میچ تھا۔
دوسری جانب آسٹریلیا اور نیوزی لینڈ میں 2015 میں ہونے والا ورلڈکپ 10لاکھ 16ہزار تماشائیوں نے دیکھا تھا۔
واضح رہے کہ اس سے قبل 2019 میں انگلینڈ میں تماشائیوں کی تعداد 7 لاکھ52 ہزار تھی۔
مزید خبریں :
آئی سی سی چیمپئنز ٹرافی کا ممکنہ شیڈول سامنے آگیا
5 گھنٹے پہلے
