23 نومبر ، 2023 
پاکستان
فوٹو: فائل
جعلی ڈگری پر تعیناتی حاصل کرنے پر سابق سی ای او ڈریپ کیخلاف مقدمہ درج
23 نومبر ، 2023
وفاقی تحقیقاتی ادارے (ایف آئی اے) اینٹی کرپشن سرکل اسلام آباد نے کارروائی کرتے ہوئے سابق سی ای او ڈرگ ریگولیٹری اتھارٹی پاکستان شیخ اختر حسین کے خلاف مقدمہ درج کر لیا۔
ترجمان ایف آئی اے کے مطابق ملزم شیخ اختر حسین نے جعلی ڈگری کی بنیاد پر سی ای او کی تعیناتی حاصل کی۔
ترجمان ایف آئی اے کا کہنا ہے کہ ملازمت کے حصول کیلئے ملزم کی جانب سے پیش کردہ پی ایچ ڈی کی ڈگری جعلی ہے۔
ترجمان ایف آئی اے کے مطابق ملزم سال 2018 اور 2019 کے دوران بطور سی ای او ڈریپ تعینات رہے۔
ترجمان ایف آئی اے کا کہنا ہے کہ ملزم کی گرفتاری کیلئے چھاپہ مار ٹیمیں تشکیل دے دی گئی ہیں۔
