25 نومبر ، 2023 
کرکٹر فہیم اشرف شادی کے بندھن میں بندھ گئے
25 نومبر ، 2023
قومی کرکٹ ٹیم کے آل راؤنڈر فہیم اشرف شادی کے بندھن میں بندھ گئے۔
لاہور کے نواحی قصبے پھول نگر میں قومی کرکٹ ٹیم کے آل راؤنڈر فہیم اشرف کی سہرا بندی ہوئی، دوستوں نے بھنگڑے ڈالے اور نوٹ نچھاور کیے۔
دلہا فہیم اشرف کُلا اور سفید شیروانی پہنے بینڈ باجوں کے ساتھ دلہن لینے لاہور سے نارووال پہنچے تو دلہن والوں نے باراتیوں کا والہانہ استقبال کیا، فہیم اشرف کو سسرال کی جانب سے تحفے میں کار بھی دی گئی۔
فہیم اشرف کی شادی نارووال کے رانا شبیر کی صاحبزادی سے ہوئی ہے۔
شادی میں ن لیگی رہنما احسن اقبال اور رانا محمد اقبال سمیت مختلف شعبوں سے تعلق رکھنے والی شخصیات نے شرکت کی۔
شادی کے موقع پر جیو نیوز سے خصوصی گفتگو میں فہیم اشرف نے شادی کے بندھن میں بندھنے پر خوشی کا اظہار کیا۔
جیو نیوز کے سوال پرکہ بھابھی کو تحفہ کیا دیں گے؟ انہوں نے کہا کہ انہیں میں مل گیا ہوں،کیا کم ہے۔
فہیم اشرف کی دعوت ولیمہ کی تقریب اتوار 26 نومبر کو پھول نگر میں ہوگی، قومی کرکٹرز سمیت اہم سیاسی،سماجی اور حکومتی شخصیات کو شرکت کی دعوت دی گئی ہے۔
مزید خبریں :
کراچی پریمیئر لیگ ملیر ڈولفنز نے جیت لی
10 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
