30 نومبر ، 2023 
پاکستان
فوٹو: فائل
لیسکو نے بجلی چوری روکنےکیلئے اپنی پولیس اور مجسٹریٹ کے اختیارات مانگ لیے
30 نومبر ، 2023
لاہور الیکٹرک سپلائی کمپنی (لیسکو) نے بجلی چوری کے خلاف اقدامات کے لیے اپنی پولیس اور مجسٹریٹ کے اختیارات مانگ لیے۔
چیئرمین لیسکو بورڈ حافظ نعمان کے مطابق انہوں نے وفاقی حکومت سےدرخواست میں تجاویز پیش کی ہیں، پنجاب حکومت سےلیسکو کے لیے تھانے مختص کرانے، لیسکو کی اپنی پولیس اور مجسٹریٹ کے اختیارات دینےکی تجویز بھی دی ہے۔
حافظ نعمان کے مطابق لیسکو نے وفاقی حکومت کو سمری بھجوا دی ہے۔
ان کا کہنا تھا کہ بجلی چوروں کے خلاف 70 ہزار سے زائدکیسز کا فوری فیصلہ کیا جائے گا، بجلی چوری اور اووربلنگ کے خاتمےکے لیے اسمارٹ میٹرنگ کا منصوبہ شروع کیا ہے، اسمارٹ میٹرنگ سے لائن مین اور میٹر ریڈر کا منفی کردار بھی ختم ہوجائےگا۔
