03 دسمبر ، 2023 
چیٹ جی پی ٹی کو قانون سازی کیلئے بھی استعمال کیا جانے لگا
03 دسمبر ، 2023
چیٹ جی پی ٹی کا استعمال تو مختلف مقاصد کے لیے کیا جا رہا ہے مگر کسی نے سوچا بھی نہیں تھا کہ اس آرٹی فیشل انٹیلی جنس (اے آئی) ٹیکنالوجی چیٹ بوٹ سے قانون سازی بھی کرائی جا سکتی ہے۔
مگر ایسا برازیل میں دیکھنے میں آیا ہے۔
برازیل کے جنوبی شہر پورٹو الیگرے کے سٹی کونسل کے ایک رکن نے قانون سازی کے لیے چیٹ جی پی ٹی کا استعمال کیا۔
رومیرو روسیرو نامی سٹی کونسل رکن نے انکشاف کیا کہ اکتوبر میں منظور کی جانے والے قانون سازی کو انہوں نے چیٹ جی پی ٹی کی مدد سے تحریر کیا۔
انہوں نے چیٹ جی پی ٹی سے کہا تھا کہ وہ ایک ایسی دستاویز تیار کرے جس سے یہ بات یقینی ہو سکے کہ ٹیکس گزاروں کو پانی کے میٹر بدلنے پر اضافی ادائیگی نہ کرنی پڑے۔
انہوں نے یہ دستاویز 35 رکنی سٹی کونسل میں پیش کی، مگر یہ نہیں بتایا کہ اسے کیسے تیار کیا گیا ہے۔
اب انہوں نے ایک انٹرویو کے دوران یہ انکشاف کیا۔
رومیرو روسیرو نے بتایا کہ ان کا خیال تھا کہ اگر وہ دیگر اراکین کو بتا دیتے کہ یہ قانون چیٹ جی پی ٹی نے تحریر کیا ہے تو اس پر ووٹنگ کا کوئی امکان نہیں تھا۔
انہوں نے مزید کہا کہ یہ نا انصافی ہوتی اگر عوامی مفاد کے ایک منصوبے کو اس لیے مسترد کر دیا جاتا کیونکہ اسے اے آئی ٹیکنالوجی نے تحریر کیا ہے۔
یہ پہلی بار نہیں جب قانون سازی کے لیے اے آئی چیٹ بوٹ کو استعمال کیا گیا۔
امریکی ایوان بالا کے ایک رکن نے بھی ایک بل کو تحریر کرنے کے لیے چیٹ جی پی ٹی کا استعمال کیا تھا، مگر وہ ابھی تک منظور نہیں ہوسکا۔
مزید خبریں :
2024 کا آخری ماہ دسمبر کن 4 ستاروں کیلئے خوش قسمت ثابت ہوگا؟
27 نومبر ، 2024
دنیا کا معمر ترین شخص 112 سال کی عمر میں انتقال کرگیا
26 نومبر ، 2024
منفرد آسمانی سیڑھی جو 5 ہزار فٹ کی بلندی پر لے جاتی ہے
26 نومبر ، 2024
سانسیں روک دینے والے اس مقام کی سیر کرنا پسند کریں گے؟
25 نومبر ، 2024
دنیا کی قدیم ترین حروف تہجی پر مبنی تحریریں دریافت
24 نومبر ، 2024
