04 دسمبر ، 2023 
آن لائن آرڈر کی گئی بریانی میں سے 'مری ہوئی چھپکلی' نکل آئی، ویڈیو نے دل دہلا دیے
04 دسمبر ، 2023
بھارت کے شہر حیدرآباد سے ایک چونکا دینے والی ویڈیو سامنے آئی ہے جس میں مقامی ریسٹورینٹ سے منگوائی گئی بریانی میں مردہ چھپکلی دکھائی دے رہی ہے۔
ویڈیو کو سوشل میڈیا پر وشوا آدتیہ نامی صارف نے پوسٹ کیا جس کے بعد سوشل میڈیا پر ایک نئی بحث چھڑگئی، ایک منٹ طویل ویڈیو میں چھپکلی کو پلیٹ میں بے جان پڑا دکھایا گیا ہے جسے وشوا تقریباً کھانے والا تھا۔
صارف نے یہ بریانی 'زوماٹو' نامی ڈیلیوری کمپنی کے ذریعے آرڈر کی تھی۔
اس کلپ میں دکھایا گیا ہے کہ صارف نے چاول کی پلیٹ پکڑی ہوئی ہے جس میں چکن بریانی کے درمیان چھپکلی پڑی ہے۔
آدتیہ نے زوماٹو کے ساتھ ہونے والی گفتگو کے اسکرین شاٹس بھی شیئر کیے جس سے ظاہر ہوتا ہے کہ یہ بریانی 'باورچی بریانی' نامی ریسٹورینٹ سے منگوائی گئی تھی۔
سوشل میڈیا صارفین کی جانب سے ریسٹورینٹ باورچی بریانی کو شدید تنقید کا نشانہ بنایا جارہا ہے اور غیر ذمہ داری کا مظاہرہ کرنے پر جواب طلب کیا جارہا ہے۔
کچھ صارفین نے اس خبر پر صدمے کا اظہار کرتے ہوئے میمز بھی شیئر کیں جب کہ دیگر یہ جاننا چاہتے تھے کہ ریسٹورینٹ کے خلاف کارروائی کیوں نہیں کی گئی۔
زوماٹو کا جواب:
وائرل ٹوئٹ کا جواب دیتے ہوئے، ڈیلیوری پلیٹ فارم زوماٹو نے کہا 'ہم نے مسئلے کی نشاندہی کی ہے اور کسٹمر سے بات کی ہے, ہم اسے بہت سنجیدگی سے لیتے ہیں اور اس پر کام کررہے ہیں'۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
