05 دسمبر ، 2023 
پشاور ہائیکورٹ نے الیکشن کمیشن سے انتخابات کا شیڈول طلب کرلیا
05 دسمبر ، 2023
پشاور ہائیکورٹ نے الیکشن کمیشن سے آئندہ سماعت پر انتخابات کا شیڈول طلب کرلیا۔
پشاور ہائیکورٹ میں الیکشن سے متعلق کیس کی سماعت ہوئی۔ جسٹس عبدالشکور اور جسٹس سید ارشد علی نے کیس کی سماعت کی۔
درخواست گزار نے مؤقف اختیار کیا کہ الیکشن کا اعلان ہوا ہے الیکشن کمیشن شیڈول جاری کرے۔
وکیل الیکشن کمیشن نے کہا کہ بغیر شیڈول کے الیکشن نہیں ہوتا، شیڈول بھی آجائے گا۔
اس پر جسٹس سید ارشد علی نے ریمارکس دیے کہ الیکشن شیڈول تو 54 دن پہلے آتا ہے، 8 فروری سے پہلے دن گن لیں کب آتا ہے۔
وکیل درخواست گزار نے کہا کہ 13 دسمبر تک الیکشن شیڈول آنا چاہیے۔
جسٹس سید ارشدعلی نے کہا کہ سب کو اعتماد ہے، لگتا ہے درخواست گزار کو اعتماد نہیں۔
عدالت نے آئندہ سماعت پر الیکشن کمیشن سے انتخابات کا شیڈول طلب کرلیا۔
خیال رہے کہ ملک میں قومی اور صوبائی اسمبلیوں کے انتخابات آئندہ سال 8 فروری کو ہوں گے۔
مزید خبریں :
شادیاں مزید مہنگی، اب ود ہولڈنگ ٹیکس بھی دینا پڑے گا
4 گھنٹے پہلے
ملک ریاض کا دبئی میں جدید ترین شہر بنانے کا اعلان
6 گھنٹے پہلے
آج سے ملک کے مختلف علاقوں میں بارش کی پیش گوئی
10 گھنٹے پہلے
