07 دسمبر ، 2023 
کراچی میں اسٹریٹ کرائم کا ناسور ایک اور نوجوان کی زندگی نگل گیا
07 دسمبر ، 2023
کراچی میں جوہر چورنگی کے قریب ڈکیتی مزاحمت پر ڈاکوؤں کی فائرنگ سے ایک نوجوان جاں بحق اور دوسرا بھائی زخمی ہوگیا۔
پولیس کے مطابق کار سوار نوجوانوں نے ڈکیتی سے بچنے کے لیے گاڑی بھگائی تو ملزمان نےگولیاں چلادیں۔
گولی لگنے سے 25 سالہ مرتضیٰ زخمی ہوگیا، اس کے بھائی نےگاڑی اسپتال کی طرف لے جانی چاہی تاہم تیز رفتاری کے باعث گاڑی بے قابو ہوکر الٹ گئی۔
شہریوں نے دونوں زخمی بھائیوں کو اسپتال منتقل کیا تاہم اس دوران مرتضیٰ جان کی بازی ہار گیا، مرتضیٰ کو کمر میں لگنے والی گولی جان لیوا ثابت ہوئی۔
پولیس کا کہنا ہے کہ زخمی کا بیان قلم بند کرکے واقعےکا مقدمہ نامعلوم افراد کے خلاف درج کرلیا گیا ہے ، ملزمان کے گرفتاری کے لیے واردات کی جگہ کے قریبی راستوں کی سی سی ٹی وی فوٹیج جمع کی جارہی ہے۔
رپورٹ کے مطابق کراچی میں رواں سال اسٹریٹ کرائم کی وارداتوں کے دوران ڈاکوؤں کی فائرنگ سے اب تک 125 افراد جاں بحق ہوچکے ہیں۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
