07 دسمبر ، 2023 
پشاور: خاتون پر مبینہ تشدد اور ہراسانی کے الزام میں ایس ایس پی کیخلاف مقدمہ درج
07 دسمبر ، 2023
پشاور میں خاتون پر مبینہ تشدد اور ہراساں کرنے کے الزام میں ایس ایس پی عارف خان کے خلاف مقدمہ درج کرلیا گیا۔
ایس ایس پی عارف خان خان کے خلاف مہوش نامی خاتون کی مدعیت میں تھانہ چمکنی میں ایف آئی آر درج کی گئی ہے۔
ایف آئی آر کے متن کے مطابق خاتون کا کہنا ہے کہ ایس ایس ایس پی محمد عارف کے ساتھ 4 سال سے میرے شوہر کے خاندان کے تعلقات ہیں، پولیس افسر میرےگھر آکر مجھ سے اپنے شوہر سے طلاق لےکر خود سے شادی کرنےکا کہتا ہے، اس معاملے پر جب پولیس افسرکی بیوی سے شکایت کرنےگئی تو مجھے تشدد کا نشانہ بنایا گیا۔
پولیس کے مطابق ابتدائی تفتیش میں پتہ چلا کے متاثرہ خاتون پر تشدد ہوا ہے۔
ایف آئی آر میں 3 دفعات شامل کی گئی ہیں، ترجمان خیبرپختونخوا پولیس نے معاملے پر ایک بیان جاری کرتے ہوئے کہا کہ مذکورہ اعلیٰ پولیس افسر کو فوری طور پر فیلڈ ڈیوٹی سے ہٹا کر سینٹرل پولیس آفس رپورٹ کرنے کے احکامات جاری کیے ہیں۔
مبینہ الزامات کی چھان بین کے لیے باقاعدہ اعلیٰ سطحی انکوائری کمیٹی مقرر کرکے اپنی رپورٹ جلد از جلد پیش کرنے کی ہدایت بھی کی گئی ہے۔
ترجمان نے مزیدکہا کہ قانون سے کوئی بھی بالاتر نہیں ہے اور پولیس فورس میں جزا اور سزا کا عمل ہر قیمت پر جاری و ساری رہےگا۔
مزید خبریں :
کراچی کے علاقے کلفٹن میں مبینہ پولیس مقابلہ، 4 ملزمان ہلاک
24 نومبر ، 2024
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
