کراچی میں اربوں روپےکی پانی کی چوری پکڑی گئی

کراچی میں تین ہٹی پل کے نیچےکارروائی میں اربوں روپےکی پانی کی چوری  پکڑی گئی۔

کراچی واٹر کارپوریشن نے تین ہٹی پل کے نیچے کارروائی کی جس کے دوران 22 فٹ گہری خندق برآمدکرلی گئی۔

چیف آپریٹنگ آفیسر اسد اللہ خان نے بتایا کہ ریکسر لائن میں پل کے نیچے سے لیاری کو پانی فراہم کرنے والی لائن سے پانی چوری کیا جا رہا تھا۔

ان کا کہنا تھا کہ 33 انچ قطر کی لائن 2007  میں لیاری کو  پانی فراہم کرنے کے لیے ڈالی گئی تھی، لیاری کے عوام کا یومیہ 50  لاکھ گیلن پانی چوری کیا جا رہا تھا۔

انہوں نے بتایا کہ  33 انچ قطر کی لائن سے 8 انچ کے 4 کنکشن لیےگئے تھے۔