سردیوں میں ایل پی جی کے بحران کا خدشہ، پاکستان آنے والے جہاز سری لنکا چلے گئے

سردیوں میں مائع پیٹرولیم گیس (ایل پی جی) کے بحران کا خدشہ ہے۔

لاہور میں میڈیا سے گفتگو میں چیئرمین ایل پی جی ڈیلرز ایسوسی ایشن عرفان کھوکھر  کا کہنا تھاکہ سردیوں میں ایل پی جی کے بحران کا خدشہ ہے۔

انہوں نے کہا کہ پاکستان آنے والے ایل پی جی کے دو جہاز سری لنکا چلے گئے ہیں، ان جہازوں کے ذریعے 21 ہزار ٹن ایل پی جی آنی تھی۔

ان کا کہنا تھاکہ ملک میں ڈیڑھ لاکھ ٹن ایل پی جی کی ماہانہ ضرورت ہے۔

عرفان کھوکھر نے مطالبہ کیا کہ حکومت فوری طورپرگیس قلت دور کرنے کے اقدامات کرے۔

انہوں نے کہا کہ ایل پی جی قلت سے قیمت بھی بڑھنے کا امکان ہے۔