14 دسمبر ، 2023 
پی ٹی سی ایل نے ٹیلی نار پاکستان کو خرید لیا
14 دسمبر ، 2023
پاکستان ٹیلی کمیونیکیشن لمیٹڈ( پی ٹی سی ایل) نے سیلولر کمپنی ٹیلی نار پاکستان خرید لی۔
پی ٹی سی ایل کی جانب سے پاکستان اسٹاک ایکسچینج میں جمع کرائی گئی معلومات کے مطابق ٹیلی نار پاکستان خریداری کے لیے ناروے کے ٹیلی نار گروپ کو 108 ارب روپے کی بولی دی گئی تھی۔
بولی ٹیلی نار پاکستان کی سو فیصد خریداری کے لیے نقد اور قرض کو نکال کر دی گئی تھی۔
اسٹاک ایکسچینج میں جمع کرائی گئی معلومات کے مطابق پی ٹی سی ایل اس خریداری کی ادائیگی بیرونی قرض سے کرے گی۔
ٹیلی نار پاکستان کے پاکستان میں ساڑھے چار کروڑ سبسکرائبرز ہیں، کمپنی نے ستمبر تک 12 مہینوں میں 112 ارب روپے کمائے تھے۔
خریداری مکمل ہونے سے پی ٹی سی ایل7کروڑ افراد کو موبائل، فکسڈ اور مائیکرو فنانس خدمات فراہم کرنے والا ادارہ ہوگا۔
خیال رہے کہ پی ٹی سی ایل کا انتظامی کنٹرول متحدہ عرب امارات کی کمپنی اِتصالات کے پاس ہے۔ اس سے پہلے سوئس آئل مارکیٹنگ کمپنی ٹریفی گیورا نے پاکستان میں دس کروڑ ڈالر سرمایہ کاری کا معاہدہ کیا ، جب کہ سعودی آرامکو نے گیس اینڈ آئل پاکستان لمیٹڈ کے چالیس فی صد شیئرز خریدنے کے لیے معاہدہ کیا تھا۔
مزید خبریں :
روپے کے مقابلے میں ڈالر سستا ہوگیا
5 گھنٹے پہلے
سونا مسلسل مہنگا، ایک بار پھر قیمت میں بڑا اضافہ
6 گھنٹے پہلے
طیارہ سازی کی صنعت میں پاکستان ایک قدم مزید آگے
9 گھنٹے پہلے
روف سولر پینل ٹیرف میں کمی پر غور
21 نومبر ، 2024
ملک میں آج ڈالر کی قیمت کیا رہی؟
20 نومبر ، 2024
