14 دسمبر ، 2023 
فلسطین میں7 اکتوبر سے اب تک اسرائیلی جارحیت میں 3 ہزار 714 طالبعلم شہید ہوگئے
14 دسمبر ، 2023
فلسطین میں 7 اکتوبر سے اب تک اسرائیلی جارحیت میں 3 ہزار 714 فلسطینی طالب علم شہید ہوچکے ہیں۔
فلسطینی وزارت تعلیم کے مطابق غزہ اور مقبوضہ مغربی کنارے میں 3 ہزار 714 طالب شہید ہوئے ہیں جب کہ 5 ہزار 700 طالب علم زخمی بھی ہوئے ہیں۔
وزارت تعلیم کے مطابق غزہ میں شہید طالب علموں کی تعداد 3 ہزار 679 اور مقبوضہ مغربی کنارے میں 35 طالب علم اسرائیلی جارحیت کا شکار ہوئے ہیں۔
وزارت تعلیم کا کہنا ہےکہ 7 اکتوبر کے بعد سے اسرائیلی کارروائیوں میں غزہ میں 209 اساتذہ اور اسکول انتظامیہ کے عہدیدار بھی جان سے ہاتھ دھو بیٹھے جب کہ 619 زخمی ہوئے۔
اس کے علاہ مقبوضہ مغربی کنارے میں دو اساتذہ زخمی ہوئے جب کہ 65 کو گرفتار کیا گیا۔
غزہ کے شہدا میں 70 فیصد سے زیادہ خواتین اور بچے شامل
ادھر خواتین اور لڑکیوں کے خلاف تشدد سے متعلق اقوام متحدہ کی خصوصی نمائندہ ریم السلیم کا کہنا ہےکہ غزہ میں اسرائیلی بمباری میں شہید خواتین اور بچوں کی تعداد حالیہ تنازعات میں سب سے زیادہ ہے۔
ریم السلیم کے مطابق غزہ میں شہید فلسطینیوں میں 70 فیصد سے زیادہ خواتین اور بچے ہیں۔
انہوں نےکہا کہ غزہ میں مصائب اور ہولناکیوں کی ناقابل بیان سطح کو بیان کرنےکے لیے الفاظ ختم ہو چکے ہیں، اس جہنم میں فلسطینی عورت یا بچہ ہونے کا مطلب ہےکہ انسانیت، حفاظت یا کسی خاص تحفظ کو چھین لیا جائے۔
مزید خبریں :
مزید 2 ممالک آئندہ سال شینگن ممالک کا حصہ بننے کو تیار
10 گھنٹے پہلے
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
