امریکی صدر کے قافلے میں شامل گاڑی کو کار کی ٹکر، سیاہ فام شخص زیر حراست
18 دسمبر ، 2023
امریکی ریاست ڈیلا ویر (DELAWARE) میں امریکی صدر جو بائیڈن کے قافلے کی گاڑی سےکار ٹکرا گئی۔
امریکی میڈیا کے مطابق ڈیلا ویر میں پیش آئے حادثے میں صدر بائیڈن اور ان کی اہلیہ جل بائیڈن محفوظ رہے۔
امریکی میڈیا کے مطابق حادثے کے وقت جو بائیڈن انتخابی مہم کی تقریب میں شریک تھے اور حادثے کے وقت صدر ابھی گاڑی میں سوار نہیں ہوئے تھے۔
میڈیا رپورٹس کے مطابق امریکی صدر کے قافلے سے کار کے ٹکرانے کی وجہ تاحال معلوم نہیں ہو سکی ہے تاہم سیکریٹ سروس کے اہلکاروں نے ایک سیاہ فام ڈرائیور کو اپنی حراست میں لے کر تفتیش شروع کر دی ہے۔
